TULADHA GEGURITAN

Katresnan

Aris Wahyudin, S.Pd. *)

Aku ora ngerti

Aku durung ngerti

Kabeh mau durung ngerti

Sapa ingsun

Sapa ingsun

Nalika lintang panjer ana ing wayah ratri

Kang bagaskara ana ing sisih wetan

Jumedhul saka cipta lan karsane gusthi

Aku durung ngerti

Saben unjal napas

Tyas iki uga durung ngerti, apa lan apa

Ingsun dudu Bathara,

Dudu Kurusetra, dudu Pandhawa, dudu Nabi

Uga dudu Malekat,….

Ingsun namung jalma

Jalma kang bisa gawe luput

Ingsun dudu Sosialis

Dudu Komunis, dudu liberalis, uga dudu faundamentalis

Ingsun namung jalma kang akeh luput

Luput marang sapadha-padha

Ingsun pengen urip kang kebak katresnan

Ayuh padha sinandhing ana ing bebrayan

Kang rukun lan sentosa

Aja gawe manah iki kuciwa

Nek ora,….

Aja salahke ingsun.

Lereng Slamet, 19 Januari 2012

Nalika nunggu bedhug isyak mungel.

*) kanca sinau mapel basa Jawa SMA N 1 Bobotsari, Purbalingga